கிட்டத்தட்ட ஒரு மாசம் ஆகப்போகிறது - பேத்திகளைப் பற்றி எழுதி ! இந்த ஒரு மாசத்தில் வழக்கம் போல இருவரிடமும் மிக விரைவான முன்னேற்றங்கள். அதிதிக்கு கீழே 4 பல்லும், மேலே 4 பல்லும் வந்துவிட்டன; ஸௌம்யாவிற்கு கீழே 4 பல் வந்துடுத்து. மேலே 2 தான்.
பேச்சு நெறய்ய வந்திண்டிருக்கு. சாப்பாட்டிலும் நல்ல முன்னேற்றம் - ஸௌம்யா காய்கறிகளோடதான் சாப்பிடறா. ஏதாவது காய் இருந்தே ஆகணும். அதிதியும் காய் சாப்பிட ஆரம்பிச்சுட்டா.
ரெண்டு பேருக்கும் தயிர் ரொம்பவே பிடிச்சிருக்கு; கிண்ணத்திலே நெறய தயிரை விட்டுண்டு, ஒரு ஸ்பூனாலே அதை எடுத்து அவங்க சாப்பிடற அழகைப் பாக்க ரெண்டு கண்ணு போதாது - கீழ கொட்டி, சட்டை மேல, உடம்பு முழுக்க ஊத்திண்டு, மூஞ்சி பூரா அப்பிண்டு, அம்மனுக்கு தயிர் அபிஷேகம் பண்ணினாப் போல - ரசித்து, ருசித்து அவங்க தயிர் சாப்பிடற அந்தக் காட்சி, ஓ, காணக் கண் கோடி வேணும். Aditi, Sowmya
ராஜப்பா
12 பகல், 20 நவ 2007
Showing posts with label தயிர். Show all posts
Showing posts with label தயிர். Show all posts
Tuesday, November 20, 2007
Subscribe to:
Posts (Atom)
